الفقاص لي عمرو يبقى يخطاك بمكونات جد سهلة وفي متناول الجميع + سر الحلاويات لنجاحه من المرة الاولى
المكونات :
4 بيضات + كأس سكر + كأس زيت + 8غ خميرة الحلوى + 15غ سكر فانيلا + 2 ملاعق كبيرة حليب + 6 ملاعق سمسم + خليط ملعقة كبيرة من حبة حلاوة نافع وبسباس+ نصف كأس لوز مغلي + الملح+ 700غ دقيق ابيض
الطريقة :
كنخلطو البيض مع سنيدة وقبصة الملح والفاني نخلط مزيان حتى يبياض الخليط ونبقاو نضيفو الزيت تدريجيا على شكل خيط ونضيف 2م حليب ونخلط عاد نضيف حبة حلاوة نافع وبسباس وسمسم ونخلط الكل حتى يتجانس كنصفي اللوز من الماء ديالو ونرميه على الخليط بلا ميتهرمش ولا يتنقى ونخلط عاد نضيف الدقيق والخمارة متكونش قاصحة ومتكونش رطبة.
كنعملوه حريبلات غلاض بحال الصورة ونعملوه في لاطة مفرشة فيها ورق الزبدة
ندهنوه ببيضة وقطرة الخل
ناخدو فرشيط ونعملو بها تمووجات بحال الصورة
وندخلوه الفران تكون عافية بحال الشمعة وهذا سر من أسراره ومرة مرة نطل عليه غير يبان لينا بدا يصفار ونشعل الفوق غير شوية نخلوه يبرد ونلفو في السلوفان لمدة 4 ساعات ونقطعوه بسكين حاد على شكل الفقاص وندخلوه الفران يتحمر مزيان وهاهو واجد.
ليست هناك تعليقات:
إرسال تعليق